GIKUWESTIYON ni Davao City Third Congressional District Isidro Ungab ang “inconsistent computation” sa budget alang sa sektor sa edukasyon ug kung nganong wala sila hatagi sa pinakataas nga badyet sa 2025 General Appropriations Act (GAA).
Gisulti ni Ungab nga dunay “inconsistent computation” sa education sector itandi sa Department of Public Works and Highways (DPWH) Budget sa 2025 GAA.
Iyang gipahimug-atan nga ang pagpirma sa komputasyon sa Department of Budget and Management (DBM) sa 2025 GAA giingong “inconsistent” itandi sa kanhi “listings in terms” sa sektor sa edukasyon.
Gikanayon sa kongresman nga ang “outset the executive department of the government through the DBM” gisumite sa Kongreso sa National Expenditure Program (NEP), Budget of Expenditure and Sources of Financing (BESF), President’s Budget Message ug uban pang mga dokumento nga dunay listahan sa nag-unang modawat sa 2025 budget kon diin apil niini ang Education Sector Budget.
Matud niya nga base sa iyang komputasyon, ang sektor sa edukasyon wala mahatagi sa pinakataas nga alokasyon, nga naghimo sa 2025 GAA huyang.
Gikuwestiyon sab ni Ungab ang paglakip sa salary Differential isip kabahin sa Education Sector Budget tungod kay nahilakip kini sa Miscellaneous Personnel and Benefit Funds (MPBF) sulod na sa dugay’ng panahon ug ginahimo sa Kongreso niadtong 2007.
Ang pagdugang sa salary differential ubos sa badyet sa DepEd ug DPWH mahimong masabtan isip “earmarking” alang sa duha ka departamento.
Iyang gikuwestiyon kung ang bag-ong komputasyon usa ka paagi “to skirt the fundamental law making it look like it is compliant with the constitutional mandate wherein education should have the highest budgetary allocation.”
Dugang ni Ungab nga ang MPBF, nga dunay kinatibuk-ang gahin nga P163.333 bilyones sa NEP gipakubsan sa P54.205 bilyones atol sa Bicameral Conference, unya nagpaubos sa giaprobahan nga gahin ngadto sa P109.128 bilyon. Sumala niya nga ang P109.128 bilyones, P70.0 bilyones mao ang suholan ug ang P60.590 bilyones mao ang “earmarked” alang sa education sector ug ang P1.217 bilyones alang sa DPWH, busa ang P8.192 bilyones nahabilin sa MPBF nga ialokar sa mga departamento sa gobyerno.
Ang P26 bilyones lang ang direktang gi-veto ang gipakubos gikan sa DPWH Budget tungod sa P168 bilyones nga veto sa Unprogrammed Appropriations wala pa mapundohi.
Kon diin si Goddes Hope Libiran, undersecretary sa DBM, nitubag sa comment section nga ang komputasyon dili gikan sa DBM apan gikan sa Congress Bicameral Conference Committee.
Iyang gi-esplikar nga ang edukasyon wala lang maglangkob sa Department of Education (DepEd) apan apil na ang academic institutions and agencies sama sa Technical Education and Skills Development Authority (Tesda), Commission on Higher Education (Ched), State Universities and Colleges, Philippine Science High School, ug uban pa. (Rojean Grace G. Patumbon)
