Gideklarar sa gobernador sa Negros Occidental Eugenio Jose Lacson nga ipaubos sa ‘red alert’ status ang probinsiya resulta sa pag-ulbo sa bulka’ng Kanlaon niadtong alas 3:03 sa hapon, Lunes, Disyembre 9, 2024.
Miluwat og memorandum si Lacson nga gi-post sa Negros Occidental public information page (PIO) nga niepekto sa Disyembre 10.
Samtang ang Department of Science and Technology- Philippine Institute of Volcanology and Seismology miisa ngadto sa Alert Level 3 ang sitwasyon sa Kanlaon gumikan sa nasinati nga ‘intensified magmatic unrest’.
Ang gibuga nga gas nga adunay abo moabot ngadto sa 4,000 metros ang gitas-on gikan sa baba sa bulkan diin nagpasabot nga ang magma ang anaa na sa crater ug posible nga aduna pay dugang pag-ulbo nga mahitabo.
Ang PIO Negros Occ. mitambag sa mga residente nga likayan ang pagsulod sa 4-kilometers Permanent Danger Zone ug gidid-an sab ang mga abyon nga mopaduol sa ilang paglupad sa bulkan tungod sa kabalaka nga mokalit unya og ulbo.
“This is really serious now, we’re hoping na local government units (LGUs) will cooperate and join in the force evacuation if necessary up to 10-kilometers,” matod pa ni Lacson.
GIPABAKWIT
Samtang moabot na ngadto sa 54,000 ka tawo ang apektado sa dihang gipatuman ni Defense Secretary Gilbert Teodoro ang force evacuation.
Iyang gipahibawo nga ang LGUs ang nihimo na sa mga gikinahanglang pagpangandam alang sa mga kinahanglon sa mga apektadong pamilya sama sa pagkaon, tubig mainom, water tanks, portalets, tents, sleeping aids ug face mask.
“Nakikiusap nga kami sa LGUs na sila na ang mag-marshal dun sa mga tao na wag nang bumalik muna sa six-kilometer radius na area. Nakikiusap kami sa mga tao na cooperation na lang kasi kami din ang mahihirapan kapag bumalik sila may mangyari hindi namin sila mahanap,” matod pa ni Teodoro.
Ang mga munisipalidad sa La Castellana ug Pontevedra ug ang mga Dakbayan sa Bago ug La Carlota ang grabeng naapektuhan.
Si Presidente Ferdinand Marcos Jr., ang mipasalig nga mapaabot gilayon ang ayudad sa mga apektado nga residente.
“We’re ready. We know what to do and we have already started to send food packs, and we have already started to send all of the things that we [need to] bring to those who are in evacuation centers,” dugang pa sa presidente. / CDF / TPM
