Gipasidunggan sa Armed Forces of the Philippines (AFP) tungod sa kaisog sa ilang mga sundalo nga sakop sa 32nd Infantry Battalion nga nasamdan sa ambush sa Basilan, pinagi sa paghatag kanila og Wounded Personnel Medal, niadtong Miyerkules, Enero 23, 2025.
Si AFP Chief of Staff General Romeo Brawner Jr., atol sa iyang pagbisita sa Western Mindanao Command (Wesmincom), nangulo sa awarding ceremony alang sa mga samaran nga mga personahe nga nagdayeg sa ilang kaisog ug nagpasalig kanila ug sa ilang mga pamilya sa hingpit nga suporta sa AFP.
“Our soldiers are the backbone of our national defense, and the bravery demonstrated by these personnel exemplifies the true meaning of selflessness and sacrifice,” matod ni Brawner.
Upat ka tawo lakip ang duha ka sundalo ang namatay ug 12 pa ang naangol sa engkwentro sa mga malapason nga elemento nga gisuportahan sa mga bastos nga miyembro sa Moro Islamic Liberation Front (MILF) sa Sumisip, Basilan, kaniadtong Enero 22, 2025.
Nahitabo ang insidente samtang ang tropa sa 32nd Infantry Battalion sa Army naghatag og seguridad sa mga personahe sa United Nations Development Program (UNDP) nga nagpahigayon og livelihood mission sa lugar.
“The AFP stands firmly behind them, and we will ensure they are provided with the necessary resources for a full recovery,” dugang ni Brawner.
Gipasiugda sa AFP ang ilang pasalig sa pagpalig-on sa seguridad sa Mindanao ug normalisasyon aron matubag ang hinungdan sa panagbangi, samtang nagsunod sa kalinaw ug lagda sa balaod. / JGS / SunStar Philippines
