Nagkaduol na sa iyang pangandoy nga makaduwa og regular National Basketball Association (NBA) game si kanhi B.League MVP nga si Yuki Kawamura.
Gianunsiyo sa Memphis Grizzlies kagahapon nga gi-promote ang Asian player sa two-way contract human sa epektibo nga gipakita niini sa preseason games.
Inisiyal nga mipirma si Kawamura og Exhibit 10 deal sa liga ug miduwa siya sa tanan lima ka preseason games sa Memphis diin nag-average og 3.4 puntos, 4.2 assists sulod sa 15.1 minutos nga playing time.
Ang notado nga duwa niini nahitabo batok Indiana Pacers diin mibuhat siya og 10 puntos ug pito ka assists.
Ang NBA Two-Way Contract nagtugod sa player nga motunga sa iyang oras sa NBA team ug sa G-League affiliate.
