7 missing nakita na, pulos patay

7 missing nakita na pulos patay
Spread the love


Naugkat na tanan ang pito ka mga tawo nga unang gikahatong missing nga kabahin sa 17 ka mga pasahero nga sakay sa usa ka SUV pick up nga naanod sa baha sa spill way sa Barangay Cantucong, lungsod sa Carmen, amihanang Sugbo niadtong Lunes sa hapon, Hulyo 8, 2024.

Advertisements

Ang grupo gikan nga naglingawlingaw sa mountain resort sa sityo Mangitngit, Brgy. Lower Matimao-an sa samang lungsod, diin lakip sa namatay mao ang bag-ong gikasal niadtong Sabado, Hulyo 6, 2024.

Nilusad sa retrieval operations mao ang mga sakop sa Philippine Coast Guard (PCG), PNP Camen, Municipal Disaster Risk Reduction Office (MDRRMO) Carmen ug mga mananagat.

Ang nakit-an sa Lunes sa gabii Hulyo 8, 2024:

Advertisements
Advertisements

(1) Anshane Bejoc, 11, baybayon sa Carmen.

Advertisements

Martes sa hapon, Hulyo 9, 2024:;

(2) Rhesamie Ypil Costan, 26, mabdos nga bag-ong kasal, nga naglutaw sa kadagatan sa Luyang, Carmen;

(3) Elmer Costan 25, bana ni Rhesamie, naglutaw sa kadagatan sa Macaas, lungsod sa Catmon;

Advertisements

(4) Nathaniel Lozano, 12, naglutaw sa dagat sa Panalipan, Catmon;

Advertisements

(5) Aishe Hermoso, 12, naglutaw sa kadagatan sa Consuelo, lungsod sa Camotes;

(6) Clarisse Ypil, 13, naglutaw sa dagat sa Panalipan, lungsod sa Catmon.

Nakit-an sa Miyerkules sa udto, Hulyo 10:

(7) Mike Stanley Tungal, 15, naglutawlutaw sa kadagatan sa lungsod sa Sogod.

Samtang, ang napulo nga na-rescue mao sila si Princess Ann Ypil, 11; Ranilo Hermoso drayber, 44; Debie Hermoso, 40; Ainsley Hermoso, 6; Jojelyn Tungal, 38; Mary Jaica Tungal, 16; May Stephanie Tungal, 14; Queen Ncoole Sencio, 4; Althea Gica, 4; Jasmine Gica, 37.

Sila pulos taga Cantucong, Carmen nga nakamaniubra sa baha hinungdan nga naluwas.

Tungod sa maong hitabo, ang kapulisan ug ubang otoridad nag-awhag sa publiko nga dili mokompiyansa ning panahon sa ting-uwan. / DVG



Source link

Advertisements

Please Login to Comment.

Verified by MonsterInsights