USA ka alyas “Daling” ang nasikop sa kapulisan sa Waterfront Police Station inabagan sa PDEA-Central Visayas atol sa gilusad nga buy-bust alas 2:45 sa Lunes sa kadlawon, Hunyo 17, 2024, sa Sitio Front Blessed, Barangay Tejero sa dakbayan sa Sugbo.
Nakuha gikan sa suspek ang 1,030 gramos sa gituohang shabu nga gibana-banang mobalor sa P7,004,000 milyon base sa standard drug price niini.
Ang inventory sa mga nasakmit nga gituohang shabu gisaksihan sa usa ka Barangay Konsehal sa Tejero.
Human niini, gidala ang mga gidudahang shabu sa Regional Forensic Unit-Central Visayas o Cebu City Forensic Unit alang sa chemical analysis.
Samtang ang suspek, gibalhong na karpon sa Waterfront Police Station.
Gikatakda kining pasakaan og kaso. (DVG)