Lalaki mikatkat sa tower sa dyRF

Duha pa lang ka adlaw gikan nakagawas sa Cebu City Jail sa kasong illegal possession of firearms, ang nisaka sa tower sa dyRF sa Sitio Tugas, Barangay Basak San Nicolas, dakbayan sa Sugbo sa Miyerkules sa hapon, Hunyo 5, 2024.

Ang maong lalaki giila sa iyang kapuyo nga si Antonino Padillo, 40, taga Barangay Cogon Ramos ug usa ka kargador.

Matod ni alyas Mary Jean, kapuyo ni Antonino, wala mopauli sa miaging gabii si Antonino ug buntag na niabot sa ilang balay nga nagdala na og lighter.

Misulti kini niya nga nahadlok ni sa iyang mga silingan nga patyon, gani, gusto ni nga sunugon ang ilang balay.

Iya pa ning giam-aman ug iyang gipakaon ug iya pang giingnan nga magpatupi sa buhok kay taas na kini.

Natingala na lang siya nga samtang nanghayhay siya sa iyang linabhan nianang buntag, gipahibawo na lang siya nga si Antonino niadto na sa usa ka fish pond sa Mamba­ling.

Gidugang niya nga samtang naa sa sulod sa City Jail, si Antonino wala gyud siya mangita og laing lalaki nga makapasagmuyo niini.

Giangkon usab niya nga mogamit og illegal nga drugas si Antonino.

Malampuson nga na-rescue sa mga sakop sa Cebu City Disaster Risk Reduction and Management Office ug sa Cebu City Fire Office sa alas 6 sa hapon sa samang adlaw. / AYB