#image_title
Usa ka ex-convict sa kasong murder ang gibanhigan-patay sa Sityo Tubod, Barangay Langkas nga usa ka bukirang dapit sa lungsod sa Dalaguete, habagatan sa Sugbo, alas 10:35 sa buntag, Dominggo, Hunyo 2, 2024.
Ang biktima giila nga si Brian Carale Dela Peña alyas Ian, 39, ulitawo, mag-uuma ug taga Brgy. Langkas, Dalaguete, kinsa kanhi nabilanggo sa kasong pagpatay ug dunay ubang kaso nga nag-ung-ong sa korte.
Samtang, ang mga mamumuno duha ka mga wa mailhing lalaki nga nagkasay sa usa ka motorsiklo nga armado og .45 nga kalibre sa pistola.
Sa imbestigasyon ni P/Staff Sgt. Rex Pelonio, investigator on case sa Dalaguete Municipal Police Station, ubos sa kamanduan sa ilang hepe nga si P/Maj. Vincent Zozobrado, nasayran ang biktima dunay angkas nga laing lalaki apan wala kini giapil sa pagpusil.
Matod sa angkas nga barkada sa biktima, gikan sila sa Barangay Mantalongon, Dalaguete ug nagpadulong sa pagpauli sa Langkas diin ang biktima maoy nagmaniho sa motorsiklo. Apan, dason sa barkada, pag-abot sa Sityo Tubod sa Langkas, kalit lang silang gibabagan sa laing motorsiklo ug ang angkas niini maoy nipusil sa biktima tumong sa agtang.
Ang riding in tandem nga mamumuno daling nisibat padulong sa wa matino nga dapit sa habagatang direksiyon.
Ang biktima gisuwayan sa pagtabang ug gidala sa Bogo Argao District Hospital ICKMH apan gidekrarar sa attending physician nga dead on arrival (DOA). Gisubay pa karon sa kapulisan sa Dalaguete ang motibo sa kaso nga posibling panimalos tungod sa daghang kaso nga giatubang niini. / DVG
England advanced to the semi-finals of Euro 2024 with a penalty shootout win over Switzerland…
These twin flames were white hot this Fourth of July holiday. Megan Fox and Machine…
National Bureau of Investigation Director Jaime Santiago confirmed that the bodies discovered in Capas, Tarlac,…
Sign up for the daily Inside Washington email for exclusive US coverage and analysis sent…
Recent research demonstrates that GLP-1 receptor agonists, which are medications that mimic the gut hormone…
Three years on from losing the European Championship final on penalties, England beat Switzerland in…
This website uses cookies.