NAPASANGINLAN nga tig-report sa pulis, usa ka lalaki nga hubog nag-wild ug gipatay ang katagay.
Ang insidente nahitabo alas 2 sa kaadlawon niadtong Miyerkules, Mayo 22, 2024, sa Purok 7, Santa Catalina, Brgy. Lapu-Lapu, Agdao District, Davao City.
Subay sa report sa Sta. Ana Police Station, perteng sukoa sa suspek nga si alyas Roy, 28-anyos, laborer, ug residente sa Purok 7, Santa Catalina sa maong barangay.
Sa kalagot niini kay giingnan siya og asset sa mga pulis, mikuha kini’g kutsilyo dayon iyang giayo’g luba ang iyang kalalis nga katagay nga niingon kaniya’g asset.
Giila ni Police Captain Rizalito Clapiz III ang biktima nga si Volter Racasa, taga Island Garden City of Samal sa Davao del Norte.
Sumala ni Police Captain Clapiz nga nag-away ang duruha tungod sa tumang kahubog nga niresulta sa pagpanunggab gamit ang kutsilyo nga niresulta sa kamatayon sa biktima.
Ang suspek anaa na sa kustodiya sa Sta. Ana Police Station kinsa giingong maoy kuno kung makainom og bino.
