Miulbo ang grass fire sa Purok Avocado Sityo Cansantic Bato, bukirang bahin sa Lungsod sa Sibonga sa alas 10:30 sa buntag, Martes, Mayo 21, 2024. Nagpadayon ang pagdilaab niini hangtod na sa alas 4 sa hapon, matod ni F02 John Michael Aguanta sa Sibonga Fire Station.
Matod niya nga di matangas ang dapit nga naigo sa grass fire. Ang ilang gi-monitor ang ubos nga bahin nga may mga balay aron di maapektuhan.
Samtang usa ka lumolupyo sa maong dapit nga maoy unang nipahibawo sa Superbalita Cebu nga si Ryndon Revillaza, matod pa niya nga dakong lasang ang nasunog.
Samtang naukay ang mga lumulopyo sa Sityo Luwac, Brgy. Canbanua, Argao sa dihang may dakong sawa nga napaso sa grass fire alas 2 pasado, Martes, Mayo 21, 2024.
Base sa kuha nga video nga nituyhakaw pa ang ulo sa sawa apan luya na kaayo nga nadakpan sa mga residente sa maong dapit nga diha sa punoan sa saging, asoy ni Tina Lopez Rubia, tag iya sa video. / DVG
