Bargayo misungasong sa kainit atol sa paglansang

Mibaha ang mga tawo nga ningsaksi sa ika-29 nga pagpalansang ni Gilbert Bargayo niadtong Bi­yernes Santo sa hapon, Marso 29, 2024 sa Brgy. Pob­lacion 3, Dakbayan sa Car­car, habagatang Sugbo.

Gibana-bana nga naa sa 2,000 ngadto sa 3,000 ang ningsungasong sa tumang kainit aron lang makasaksi sa linawas nga pagpalansang ni Bargayo sa nabungtod nga bahin sa barangay.

Sa wa pa ang tinud-anay nga paglansang, gipahigayon ang Siete Palbras. Sa Ikalima nga Pulong, si Bargayo niabot nga gibunalan.

Sa Ikaunom nga Pu­long, gilansang na siya sa krus ug gikanaug human sa Ikapito nga pulong.

Human niini, gidala siya ngadto sa Alfafara By the Sea sa Brgy. Bantayan sa mao nga siyudad aron makahumol sa dagat.

Ang local government sa siyudad ug barangay officials maoy nisuporta kang Bargayo aron hapsay nga mapahigayon ang kalihukan. / RRM