GIINGONG misukol sa mga pulis maong napatay ang suspek atol sa buy-bust sa Sta. Ana Police Station alas 4:05 Dominggo sa hapon, Marso 24, 2024 sa Sitio Coreas, Barangay Leon Garcia, Agdao District, Davao City.
Pusil sa suspek ug ang ubang ebidensya nga illegal nga druga ang anaa karon sa kapulisan alang sa tukmang disposasyon.
Nadala pa sa Southern Philippines Medical Center (SPMC) ang biktima apan wa na matabang ug namatay.
Sa area of responsibility (AOR) sa Talomo Police Station patay sab ang usa ka alyas Larry human nga misukol sa mga sakop sa Talomo PNP atol sa buy-bust alas 10:56 Sabado sa gabii, Marso 23 sa Shrine Hills road, Barangay Matina crossing.
Ang suspek napalitan sa poseur buyer og usa ka pakite sa gituohang shabu, motimbang sa 6.45 gramos nga mokantidad og P43,860.
Sa dihang arestuhon na, misukol kini pinaagi sa pagbunlot og .38 Caliber revolver hinungdan nga napusilan sa mga pulis.
Dali sab nga nadala sa SPMC ang suspek apan nakabsan kini sa kinabuhi. (JPC)
