GENERAL SANTOS CITY – Nakaplagan na ang patay nga lawas sa 7-anyos nga batang babaye alas 10 sa buntag, Miyerkules, Marso 13 sa siyudad.
Giila ang biktima nga si Princess Arian Cabucos, Grade 2 pupil ug molupyo sa Purok 9, Barangay Conel, General Santos City.
Gibutyag ni General Santos City Police Office (GSCPO) Director Colonel Nicomedes Olaivar nga napalgan sa iyang mga silingan nga gisulod sa sako ug posibleng gilugos una gipatay ang bata.
Sa imbestigasyon sa kapulisan muigula nga gituok ang liog sa biktima gamit ang panapton nga maoy hinungdan sa iyang kamatayon.
Una nga midangop ang pamilya sa bata sa General Santos City Police Station 9 niadtong Dominggo, Marso 10, 2024 nga nagpatala sa kalit nga pagkahanaw sa biktima.
Narekober sab ang duha ka kotsilyo ug duha ka sanina sa lolo nga nagkadugo hinungdan nga gilambigit siya sa paglugos-patay sa biktima.
Kahinumdoman nga una nga gipasanginlan ang amahan sa bata nga maoy mipatay apan daghang testigo ang mitumaw nga kini walay kalabutan sa hitabo.
Sa kasamtangan gipalig-on pa sa GSCPO ang imbestigasyon sa paglugos-patay sa biktima.
