15 ka balay nasunog

Dili mominos sa 15 ka mga balay ang nasunog sa Purok Kamunggay, Lower Mahayahay, Brgy. Candulawan, Siyudad sa Talisay alas 4:42 sa hapon sa Miyerkules, Pebrero 21, 2024.

Sa imbestigasyon sa mga bombero sa Talisay, ang su­nog nagsugod sa balay nga gipanag-iya ni Leonida Jadraque nga gipuy-an ni Shine Jadraque.

Dali kini nikatap sa kasilinganan nga kabalayan, diin 15 ka mga pamilya ang apektado sa sunog.

Ang sunog nakontrolar sa alas 4:55 sa hapon ug gi­deklarar sa mga bombero nga fire out sa alas 4:58 sa hapon. Nagbilin kini og P675,000 nga danyos.

Atol sa pakighinabi kang F01 Jerome M Dalauta, imbistigador sa Talisay City Fire Office, siya niingon nga nagpadayon ang ilang imbestigasyon sa sinugdanan o hinungdan sa sunog.