GENERAL SANTOS CITY — Nakadani sa mga netizens sa masanag nga talan-awon sa kolor pink nga mga bulak niini sa punoan sa Rosy Trumpet tree nga namulak daplin sa kalsada sa Sitio Pulatana, Brgy. Malandag, Malungon Sarangani Province.
Ang Tabebuia Rosea, nga kasagarang nailhan nga Pink Trumpet Tree o Rosy Trumpet Tree, nabantog tungod sa madasigon nga pink nga mga bulak.
Giimbita sa LGU-Malungon ang mga molupyo sa probinsya sa Sarangani nga mobisita ug masinati ang sama sa Cherry Blossom nga kasinatian.
Gawas sa taga Sarangani dunay mibisita na sab nga naggikan sa mga kasikbit sa probinsiya.
Dunay nag-ingon nga wala niya damha nga makaabot siya sa nasud Japan apan naa ra diay siya sa Malungon Sarangani.
Kasagaran sa mga mibisita sa Cherry Blossom sa Malungon ang nag-selfie, nag-picture sa buwak ug misimhot sa iyang kahumot.
Awhag sa LGU-Malungon sa mga bisita nga likayan ang paglabay og basura sa maong dapit ug kahinlo sa palibot ang angayan nga buhaton alang sa gasa sa kinaiyahan.
