Grabe ang kasuko sa netizens sa kamatayon sa usa ka batan-on nga basketball player nga gituohang gidumbol og tuyo sa drayber sa usa ka sports utility vehicle (SUV) niadtong Dominggo sa buntag, Pebrero 4, 2025.
Base sa pasiunang kuha sa closed circuit television (CCTV), ingon sa naggukdanay ang duha ka mga sakyanan una pa naigo ang motorsiklo nga gikamatyan sa batan-ong lalaki.
Usa ba kaha kadto ka kaso sa road rage nga niÂsangko sa trahedya? Kana maoy wa pa matino.
Base sa mga pagtuon, ang suliran sa trapiko usa sa mga nakaingon sa kada adlaw nga stress sa publiko tungod sa kataas sa biyahe bunga sa naghuot nga mga sakyanan sa dalan.
Sa ato pa, magpadulong ka pa lang sa imong destinasyon, trabahoan o tunghaan, na-stress ka na sa karsada. Mas taas ang panahon sa dalan, mas grabe ang stress.
Naa bay mabuhat aning stress? Kon ang naka-trigger mao ang nagkagrabe nga trapiko, ang pag adjust sa sitwasyon ug pagpabilin nga kalma bisan unsa nga trigger diha sa karsada mao ang mabuhat sa matag usa.
Ang kagamhanan igo ra maka manage sa dagan sa trapiko, way mabuhat sa dinalian nga pagpaluag sa kadalanan.
Kon duna may maka trigger sa kasuko, di magpadala. Una, ilha ug angkuna nga duna kay suliran sa anger management. Dinhi pa lang, angay ka nang magbantay. Ang pag count og 1-10 o 1-20 makatabang sa pagpugong sa pag-ulbo sa kasuko.
Pangutan-a ang kaugalingon kon unsay maÂkuha sa pagpaulbo sa kasuko? Kadtong nakadasmag sa batan-on, duyanon ba to siya kon mailhan ug madakpan? Di gyud.
Ang pagpaminaw og paborito nga music samtang nagmaneho o nagsakay makatabang sab kaayo sa pag-manage sa stress.
Ang pagbawon og ma snack ug mainom samtang naa taliwa sa karsada aron maalibyuhan ang kagutom ug kauhaw, laing paagi nga makatabang sa stress.
Huna-hunaa kanunay, ang pagpadala sa kaÂsuÂko way maayong padulngan. Pilde ka bisan asa nga anggulo.
