Maayo nalang kay sirado ang bintana sa usa ka balay sa Barangay Lamacan, Lungsod sa Argao, Cebu sa dihang usa ka unggoy nisulod sa nataran, daw nangita og pagkaon.
Ang unggoy nga gi-videohan sa tagbalay nga misaka sa gate dayon hinay hinay nga mipada-ilos sa iyang pagkanaog.
Sa dihang nakasud na sa nataran, nikatkat kini sa bintana apan wa kini makasud kay gisira sa tagbalay.
Nahinabi sa Superbalita Cebu ang uploader sa video nga si Joseph Plañar Hotezuela, ug nanawagan kon si kinsay tag-iya sa maong mananap.
![](https://xpresschronicle.com/wp-content/uploads/2024/01/WONDER-SPRAY-ADS2.png)
Matod pa ni Hotezuela nga nahitabo kini niadtong Lunes, Enero 29, 2024 nga kalit mitunga ang unggoy sa usa ka balay nga nangitkit og sapatos nga gibilin sa gawas.
Matod pa ni Hotezuela nga ang ilang gipuy-an nga balay duol ra sa Dept. of Environment and Natural Resources (DENR) ug sa Argao Nature’s Park nga posible nga nakabuhi ang unggoy.
Mga residente nabalaka kon dili mahipos ang maong mananap kay posible kining mamaak. (DVG)