9 anyos nga bata nagbakasyon, diriyot nalumos

Naluwas ang usa ka 9 anyos nga batang lalaki nga naligo sa dagat apan hapit nalumos sa kilid sa pantalan sa Sitio Tiposo, Barangay Taloot, lungsod sa Argao, alas 10 sa buntag sa Dominggo, Disyembre 24, 2023.

Sumala ni Konsehal Mangubat RJ Llorando, ang batang lalaki naligo sa dagat kilid sa pantalan sa Taloot uban sa uyoan ug sa iyang apuhan.

Matod pa, ang bata nalingaw sa paglangoylangoy apan niabot sa kantilado o kalit nga nilawom nga parte sa dagat human naanod sa mga balod ug naunlod.

Si Mangubat nagkanayon nga maayo na lang namatikdan sa uyoan sa bata ug gidali sa pagtabang.

Nangayo sila og panabang sa Cost Guard nga naa ra sa du­ol ug nanawag sa Argao Mu­nicipal Disaster Risk Reduc­tion and Management Office (MMRDO) sa paghimo sa first aid ug gidala ang bata ngadto sa Bogo Argao District Hospital.