Ang Apo Land and Quarry Corporation (ALQC) posibling mag-atubang og dugang kalapasan kalabot sa quarry operations niini sa Syudad sa Naga, uban sa kabalaka sa posibleng polusyon sa tubig ug hangin.
Sa public post gikan sa Cebu Capitol public information office (PIO) niadtong Huwebes, Disyembre 12, 2024, niingon nga ang mga isyo naggumikan sa kapakyas sa kompanya sa pagtuman sa mga kinahanglanon sa Environmental Clearance Certificate (ECC) ug sa pagkadiskobre sa makadaot nga mga stockpile.
Lakip sa posibleng mga kalapasan mao ang dayag nga pagsalikway sa ALQC sa environmental safeguards nga gilatid sa ilang ECC.
Naglakip kini sa pagkadiskubre sa mga stockpile sa carbon nga nagpagawas sa makadaot sa hangin ug ang giila nga presensya sa “copper slag” sa ilang mga operasyon, nga naghatag peligro sa kasikbit nga tubig sa yuta.
Usa ka ECC ang giisyo sa Department of Environment and Natural Resources – Environmental Management Bureau (DENR – EMB) aron masiguro nga ang gisugyot nga proyekto walay dakong negatibong epekto sa kinaiyahan.
Ang sertipiko usab nagtino sa mga obligasyon sa tigpasiugda sa pagsunod sa mga regulasyon sa kinaiyahan.
Gipataas ni Gobernador Gwendolyn Garcia ang alarma human gisusi ang mga imahe ug video sa mga quarry site sa ALQC.
Ang footage nagpakita sa itom nga kolor nga mga bungdo sa mga stockpile nga walay saktong protective coverings, nga nag-aghat kaniya sa paghangyo og inspeksyon gikan sa EMB.
Nanawagan usab siya alang sa hiniusang inspeksyon nga naglambigit sa Cebu Provincial Government, City of Naga, EMB, ug ALQC aron sutaon ang gidak-on sa mga kalapasan.
Ang inspeksyon gitambongan sa pipila ka mga opisyal, lakip si Herbert Consunji, ang bag-ong gitudlo nga presidente ug CEO sa Cemex Holdings Philippines; DENR 7 regional executive director Paquito Melicor; MGB 7 director Armando Malicse; ug ALQC Quarry Operations Superintendent William Melano Jr.
Nipahayag ni Consunji ang iyang kabalaka sa sitwasyon sa usa ka interbyo sa PIO, nga nag-ingon, “Well, it’s unfortunate that these things are happening.â€
Si Garcia, niadtong Martes, Disyembre 3, niluwat og executive order nga nagmando sa ALQC sa pagsuspenso sa tanang earth-moving operations sulod sa Mineral Production and Sharing Agreement (MPSA) areas sa dakbayan nga nahimutang sa habagatang Sugbo.
Atol sa 30 ka adlaw nga pagsuspenso, ang ALQC gimanduan sa pagpahigayon ug environmental audit, usa ka komprehensibo nga area risk assessment ug pagtino sa kapasidad sa pagdala sa mga lugar sa MPSA.
Ubos sa MPSA, gitugotan sa gobyerno ang mga operator sa pagmina sa pagsuhid, pagpalambo ug paggamit sa mga kahinguhaan sa mineral baylo sa bahin sa kita.
Ang SunStar Cebu nisuway pagkuha sa habig sa ALQC niadtong Biyernes, Disyembre 13 apan walay kontak online. / CDF
