Si Basilan Representative Mujiv Hataman lang sa BARMM ang wala mopirma sa reklamo.
Matud pa sa mga netizens nga nipadayag sa ilang mga hunahuna ug opinyon diha sa social media, nga mga nahisgutang mga magbabalaod wala nagpakita og pasalamat ngadto sa pamilyang Duterte nga dako og nahimo alang sa Bangsamoro.
Sumala sa taho nga si Speaker Romualdez mipatawag og kapin sa 200 ka mga kongresista sa usa ka buhatan ug gisaraan matud pa nga makadawat og P20 milyones kon mopirma sa impeachment batok kang Duterte.
Gikanayon pa sa pamahayag sa usa ka magbabalaod nga napugos siya pagpirma kay makaluluoy ang iyang mga konstituwente kon dili niya dawaton ang kuwarta alang sa proyekto sa iyang distrito.
Nasayran nga nipirma sab matud pa sila South Cotabato Representative Peter Miguel ug General Santos City Representative Loreto Acharon.
Wala mopirma ang duha ka kongresista gikan sa probinsiya sa Sultan Kudarat nga sila Sultan Kudarat 1st district Representative Bai Rihan Sakaluran ug Sultan Kudarat 2nd district Representative Horacio Suansing ug North Cotabato 2nd district Representative Rudy Caoagdan. (Edgar E. Fuerzas)
