Gipukaw sa lanog nga siren sa bombero ang lumolupyo sa Sityo Sangi Interior ug Seawage Pajo ug Seawage Pusok sa Dakbayan sa Lapulapu, alas 3:49 sa kaadlawon, Enero 24, 2025.
Ang sunog nikaon sa 33 ka mga balay nga gisaka sa 5th alarm.
Sa 33 ka mga balay, usa lang ang partially damage ug 45 ka mga pamilya ang apektado nga gilangkuban sa 211 ka indibiduwal.
Wala pay report ang Bureau of Fire (BFP) sa Lapu-Lapu kon pila ang kinatibuk-an nga danyos sa sunog.
Laing sunog ang niulbo sa Barangay Tabok, Mandaue City niadtong Biyernes, Enero 24, 2025, pipila ka oras human unang gialarma didto sa Barangay Looc sa samang adlaw.
Mga sakop sa BFP uban sa emergency responders ang nagtinabangay sa pagpawong sa kayo.
Samtang gibanabanang niabot ngadto sa P10 milyunes ang danyos sa sunog sa showroom sa mga furniture sa The Furniture City nga naa mahimutang sa Hernan Street sa Barangay Banilad, Siyudad sa Mandaue .
Sa follow up interview sa SunStar SuperBalita Cebu ngadto ni F01 Neil Ian Amancio, ang lead fire investigator sa kabomberuhan sa Mandaue, siya nagduda nga posibling electrical short circuit ang hinungdan sa maong sunog. (DVG)
